Djokovic aser Simona nati Madrid Masters nung takok angu

Madrid, May 08 (Agencies) : Tan Madrid Masters asayamong tebur kija asayaba nung World no 1 Novak Djokovic-i Honibarnü Japan nunger Kei Nishikori madak 6-3, 7-6 (7/4) agi takok anguba sülen Andy Murray den Deobar aonung final asayadang pai Murray madak 6-2, 3-6, 6-3 agi takok ngua iba asayamong marok benogo.
Kasa asayamong nung tetsür final asaya Romania tsür Simona Halep-i kokogo. Lai  6-2, 6-4 agi Slovakia tsür Dominika Cibulkova koka tan Madrid Masters takok marok angu.
2014 küm 1-6, 6-2, 6-3 agi Russia tsür Maria Sharapova madak tamakok angula, Simona Halep-i tan takok anguba ajanga tetsür tennis asayar tajungtila tarensen pongu rongi iogo.
La yaküm tongtizü atsüpeta aser tetsüng teloktep lokpetba ajanga jenjang sepzüka alu.
Tetsür tarep final Honibar aonung asayaba nung Caroline Garcia aser Kristina Mladenovic nati Sania Mirza aser Martina Hingis na koka iba asayamong takok marok nguogo.
France tsür anati 6-4, 6-4 agi Mirza aser Martina na koka iba takok marok angu.
Caroline Garcia aser Kristina Mladenovic nati asaya tetenzük dang nungi kanga junga asayaba ajanga mezüng set nung mela mela 3-0 aküm.
Iba sülen Sania aser Martina nati kanga meranga asaya game asem tashi atonga atonga koka 3-3 aküm. Ajisüaka ano France tsürla anati 5-4 ngutet.
Tanabuba set game 8 buba nunga Sania aser Martina na 40-0 lia Caroline aser Kristina nati ajateta tu koka tena jenjang tajungba küm iba takok marok angu.
Madrid Open ya May 22, 2016 nü tenzüktsü aliba asayamong French Open, Grand Slam atema renemshiba asayamong ka mesüka lir.