Caroline Wozniacki-i Australian Open kokogo

Melbourne, Aenjeti 27 (Agencies): Caroline Wozniacki-i 43 ben buba merangdangba sülen tang mezüngbuba Grand Slam kokogo. Lai Australian Open final nung Simona Halep 7-6 (7/2), 3-6, 6-4 agi akok.
Wozniacki-i iba asayamung akokba ajanga la tetsürtem rongnung temaba jenjangi atutsü.
Final asaya nung asayar anaprongla temang anepalutsüsa aküm, ajisüaka Rod Laver Arena nung ghonda anaser minute 49 asayaba sülen Wozniacki-i iba asaya akok.
Arishiküm 27 tain Wozniacki 2010 küm World No. 1 aküm aser 2009 o 2014 nung US Open final tonga asayaogo, ajisüaka grand slam ka danga mokokteti liasü.
Halep aser Wozniacki naprongla Grand Slam final tasembenbuba nung shilem agir liasü aser Australia Open nung mezüngbuba final asayar liasü.