Carpool Karaoke nung Harry Styles-i shilem agitsü

London, May 17 (Agencies): Presenter James Corden-i ‘The Late Late Show’ Carpool Karaoke segment nung kentener Harry Styles-i shilem agitsüba osang sangdongogo.
Harry Styles-i taoba hopta pa kensep tasenba sayaogo. Taoba mapang One Direction nung züngsem ya May 19 nü Late Late Show episode nung shilem agitsü, ta osang ka ajanga metetdaktsü.
“Iba osang ajanga nenok ajak peladaktsütsü ta imlar. Iba hopta Brehostibarnü Harry Styles-i Carpool Karaoke tasenba nung kü den yariteptsü,” ta Corden-i ashi.
Styles-i taoba mapang ‘The Late Late Show’ nung arua ken tena liasü.