‘Casablanca’ film nung shilem agila süogo

Madrid, May 15, 2016 : 1942 küm tangokba kang dang nüngtugu “Casablanca” film nung tongti shilem agir rongnung nung ka, France nungi actress Madeleine Lebeau süogo. Iba film nung tongti shilem agirtem ajak sür la dang anünga liasü. La arishi küm 92 nung iba lima nungi pilaogo.
Lebeau ya Estepona, Spain nung tepiret sükdanger May 1, 2016 nü asü, ta pa kinungboer jabaso, documentary film yanglur aser lipoküm wazüka ayutsü atema nendaka inyaker, Carlo Alberto Pinelli-i hollywoodreporter.com dang ashi.
“Casablanca” film nung Lebeau ya asür actor Humphrey Bogart tetong ama shilem agia lir.
La ya 1923 küm Paris anasa aso aser kibong akümba sülen 1940 küm la kinungbo aser actor Marcel Dalio den Nazi nunger agi sünga aliba France linük toktsür ao.
La “Casablanca” film tangokzüker külen 1942 küm Dalio den bala. Lai ano “Paris After Dark” (1943) aser “Music for Millions” (1944) film tem nunga shilem agia lir.
Rara temer külen la Europe-i tanaben meyipa arua “The Royalists” (1947), “Cage of Gold” (1950), “Sins of Madeleine” (1951) aser “La Parisienne” (1957) film tem nung shilem agi.
Lebeau kinungbo tanabubaji screenwriter, Tullio Pinelli lir. “8 1/2” & “I Vitelloni” (1953), “La Strada” (1954) aser “La Dolce Vita” (1960) film tem atema pa tenünga Oscar nung benoka liasü. Tena ya 1988 küm kibong aküm aser pa 2009 March ita nung arishi küm 100 asüdang asü.