CASE Premier League Season 4 jerseys sayaogo

CASE Premier League (CPL) Season 4 kits sayaba mapang tangokba noksa nung angur.

Dimapur, Rongjui/September 20 (Agencies): CASE Premier League (CPL) Season 4 nung shilem agiba team tem indang kits Rasemnü A1 Powerplay nung officially sayaogo.
Taküm iba asayamung nung team ti-i shilem agitsü koba season asem tashi kanga takok ngua asayaogo. ‘Beyond Thirty, Beyond Fitness, Beyond Football’ nung ajemdaker iba non-professionals aser unregistered football league ya Rongjui/Sept 22 nü Police Complex, Chumukedima nung tenzüktsü.
Asayamung nung shilem agitsü aliba team ti rongnung, CASE FC, FC Joga Bonito, Natak FC, Nizams FC, Ruboo United, Sporting Union, Super Strikers aser Trinity Sporting densema lir. Item team tem rongnung team pongubo taoba season tem nung shilem agiogo aser iba season nung mezüngbuba shilem agitsü aliba team tem rongnung FC Joga Bonito, Ruboo United aser Sporting Union densema lir.
CPL ya arishi küm 30 tema asayartem atema non-professional football league ka lir. Asayamung nung asayatem ajak 1st NAP aser DGP ground nung Küptoknü asayatsü, aji asünungdang asayartem pei mapa nung tamakok malutsü, kechiyong asayartem rongnung businessmen, police, doctor, government employees aser tesayur amala densema lir.
Taoba season tem ama masü iba season nung team tem single round format nung asayatsü koba Luchii/Dec meteni ita pongu asayatsü renema lir.

Rongjui/Sept 22 nü asaya yamai alitsü:
* Trinity Sporting v FC Joga Bonito (1:30pm)
* CASE FC v Ruboo United (1:30pm)
* Nizams FC v Sporting Union (3:30pm)
* Natak FC v Super Strikers (3:30pm)