Cashew Nut (Kaju) achiba tajang

Tejang rongnung cashew nut dang temang atema alima nung anguba chiyutsü tajung rongnung ka ta ajatsü akok. Iba chiyungtsü nung protein, vitamins, minerals aser antioxidants kanga talubusa lir. Cashew nut ya mapang tataktet shitak nung tataktet shitak achiba ajanga temang nung asenoki memetetba teyari aika agütsür.
Cashew nut achiba tajangzük pongu yamai:-
1.     Temulungjang anema lidaktsür: Iba tejang yagi temulungjang nung teyari kanga agütsür kechiba süra iba chiyungtsü nung cholesterol mali saka temulungjang nung nüngdakba temo, fibre, protein aser arginine (amino acid) peria lir aser item ya aliba ajanga azü belenshiba tezü telung kümzüka ayur.
2.     Teret nung yarir: Cashew nunt nung calcium, magnesium, potassium aser Vitamin K keta aliba ajanga teret tashi ita aser anema lidaktsür.
3.     Tenük nung yarir: Cashew nut nung lutein aser zeaxanthin (antioxidants) kanga talubusa keta lir aser ibaji ajanga tesangwa tesashi nungi tenük kümzükba den tenük rabanga ayuba tashidak nungi kümzüker.
4.     Azü nung yarir: Cashew nut achiba ajanga azü tashidak nungi kümzüker kechiba süra iba tejang nung copper kanga talubu lir.
5.     Temang tuozük ajemdaktsür: Cashew nut nung keta aliba mono aser polyunsaturated temo ajanga temang nung temo azüoka temang tuozük ajemdaktsür.