“Menemnemi aser menungnangi mapa ajak inyakang.” Filipi 2:16 Maneni asenok Khristan telungjem indang tanüa shisadangdi. Asenoki tebilemba balala aliba ajak tezülen yutsür Tebu tenüng tushitsü mapa dang inyakra, asenoki arogo nung aser arogo tezülen tesüngmangtsü mapa angutsü. Yangi telungjem asoshi mera ana agütsür. Telok tila nung telungjem indang sayuang aser inyakang. Tsüngrem yimli nung kechisarena […]
Nenoki medemer o medemer na meimtepra ajangla iba jagi nenok Kü nütsüng ta ajaki metettsü. Yohan 13:35 Nüburtem dang ajungben mapangji angatetdakjang. Sabang nungi majungmesora nübur dang junga osang magütsü mesüra kecha junga marutettsü. “Kechiyong jangzüi ola shitak madokra, shibai raratsü renemtsü?” (1 Kor. 14:8). Nehemiahi aniba nung nisung ajaki anidakba asenoki angur (Neh. 8:1). […]
Ajiang adianutem külemi telungjem nung alitsü koda tajung aser jangratemtsü. T. Ken 133:1 Tezü nung aliba tsükchirtem dang nungi asen taküm nung aliba tsükchirji tashi taitba lir. Yisui Mathi 12:25 yimli ka mesüra yimti ka mesüra kibong lemsara noktaka melitettsü ta ashi. Süra arogo ka nung telemsa adokra noktaktettsü asü? Arogo tebilemtsütem nung tamajungtibaji melungjemii […]
“Nisungi am tesa agi taküm malir, saka Tsüngrem bang nungi adokba O shia agi taküm alir.” Mathi 4:4 Amtsük meteni taküm alitsü Tsüngremi mulungra Yisua amtsük meteni anogo lir (40) taküm ali, saka asenoki Tsüngrem O meteni taküm alitsü makok. Iba O jagi asenok yanglu aser ibai ajanga dang asenok taküm alir, kechiaser Pa O […]
Nenok alima tesangwa. Tenem nung aliba yimti memeyimtet. Mathi 5:14 Asenok alima tulu nung senso kati mapa koda inyaker ? Asenok aliba lima, yimti, yimtsüng, asen meketa aliba, lenmang tajungba lir asü ? Mesüra ali aser tanelaren temoatsütem Tsüngremi sorkar ajanga iba nung tentetba tentet ajanga agütsüba asenoki mekurai dang agizüka agitsü asü ? Tenem […]
Angang, chirnurji Kibuba nungi anguba senmang lir: Aser nu menden nungi tejangji Pa sempet. T. Ken 127:3 Tanurtemji Tsüngrem nungi sempet aser Pa maongka sayuba temaitsü lir ta Laishibai sayur. Tsüngremi Adam aser Eva maotsü aser ashi, “Soyapokyang aser jenti renang” (Lipok 1:28). Laishiba ajunga nung tanurtemji Tsüngrem nungi balaka moatsüba ta züngshir. Ken züluri […]
Shibai tesangwa agi süoshi ama ne sasa sobua lir. — T. Ken 104:2. Anü aiba mapang asenok tzüyim kümbangi ora mesüra tenem kolaki tura, anü aiba tobur tajung jangratemtsü ka angur. Anütsüng nung anüng sentsü balala aser mepet sentsü balala angur, aser anüolen anüng sentsü melenshiba angur. Anü aiba sentsü anata putepa mali; ajak jangratemtsü […]
Temeshiba akümtsü asoshi ajak den yimjung nung liang; temeshiba medeni shingaia Tsüngrem angutsü makok. Ibri 12:14 Tanelaren ainbaji jangratemtsü lir. Tanelaren asenok koda aintsü, tali temeshiba akümba aser Tsüngremi mulungba nung tali bendanga agütsüba agi asü ? “Ajangla, nenok mejungia, nenok chir nem sempet tajung agütsütsü metetra, kotak nung aliba nenok Tebui Pa dang meshirtem […]
O arung, asenoki külemdi aser aputakdi: asen Teyanglur Kibuba madang asenoki aputakdi. T. Ken 95:6 Tekülem nung asenoki Tsüngrem meimba sayur; akhümtsübur aser külemer “kechiaser Pa asen Tsüngrem aser asenok Pai mesüba purtem aser Pa meyong santem” (T. Ken 95:7). Asenoki telok nung aser kija nung Pa külemtsü akok. Tamang aser Tsüngrem temoatsütem asoshi tenüng asangtsü […]
Aji asünung, nenoki onok Khrista tenzüker aser Tsüngrem miim O ketdangsür ama züngshiang. 1 Korint 4:1 Kodang asenoki ketangsüba indang bilemer, yimya nung osangtajung ketangsüba indang mebilemer. Yimya agi asenoki mapang, sempet (talent) aser rongsen rizüngba indang bilemer. Saka osangtajung, Tsüngremi Yisu Khrista ajanga inyakba osangtajung indang koda? Pauli iba indang yamai ashir, “Aser ano […]