Saka aramesoang aser noktakang, kechiaser kechi otem nungsa Ni ne dangi adoktsü item indangji na tenzüker ka asütsü shimtettsü asoshi Ni ne madangi adokogo. -T. Mapa 26:16 Tsüngremi ne taküm ajanga kechi inyaktsü nai memetetdang yongi Pai meteta lir. Tenyar Paul Damasca lenmang nung temulung memeyipdang, Yisui pa atema kechi renemtsüa aka ibaji meteter liasü. […]
Idangji pai sayuba nung parnoki süngmang, kechiaser pai tezülur ama masü saka ain aketba nisung ka ama sayu. Mark 1:22 Nisungtem dang Lai tesayuba agütsüba rongnung Yisuji mezüng masü kechiyong tangar tesayurtemia sayua liasü. Saka tangar tesayurtem dang nungi Yisu balaka asübaji pai ain (Authority) keta sayu. Tezülurtem aika asoshi Lai O ji tetezü maka, […]
“Ni parnok rongnung jara aser kü tetsungda nung nokdaktsü, ni aji raksatsü aliba nungi nokdangtsü nisung ka bushidang saka ni kata mangu.” – Ezekiel 22:30. Tsüngremi sarasadem ajanga Pa aser nisung tsüngdai aitsü nübu bushir. Ibayongji Tsüngremi ashi “kü tetsüngda nung nokdaktsü… bushidang saka ni kata mangu.” Tsüngrem mulungjang anasa aliba nisung shirnoki pei lima […]
Lai Peter ola angateta, tepela agi kishiji melapoki asema ao aser Peter kima noktaka lir ta parnok dang ashi. Parnoki la dang ashi, “Na yiamatar,” saka aji atangji ta lai nenshia ashi. Saka parnoki ashi, “Ibaji pa tanela asütsü”. T. Mapa 12: 14-15. Nai sarasadem süaka nü mulung nungbo mamangba mapanga ajurutsü. Peter tepuokdak yua […]
… Kati ka asoshi sarasademjang; Temeshipuri sarasademba nung aser inyakba nung tashi lir. Yakob 5: 16(b). Tsüngremer tenangzükbaji asenoki dang meshiteta sarasadema lira Tsüngremi langzütsü. Iba tenangzükba nai koda agir? Aseni ashitsü akok, “ni sarasademer saka telangzüba kecha mangur.” Iba tia ya ajurudang Tsüngremer tenangzükbaji tiazü mesüra tamakoktsü ta ashir asü? Mesüra pei taküm khen […]
“Tatitang nung metsüktsü nenoki saksalemang aser sarasademang” Mt. 26:41 Yisui Peter, Yakob aser Yohan Gethsemane tsüki anir atu. Pai ashi “Kü den saksalema liang” saka meyipa arunung mejanger angu. Yisui tembar teyari kanga nüngdakba mapang liasü. Iba den tatsüka lir parnoki kechi ajurutsü meteta alinung saksalema alitsü ashi. Saka parnoki saksalema melitet nung Yisu toktsür […]
“Tzü ajanga kodang na süia odir; ni nü den alitsü, aser ayongtem ajanga parnoki na memobangtsü, kodang na mi ajanga jajadir na marungtsü, mesüra milak nü madak mejangrutsü.” – Isaia 43:2 Nai mapang karbo kanga timtema Tsüngrem ya kong lir taa asütsüsa ka, tensa karbo ajangshia aru asü? Tsüngrem o dangi meyiper reprangdangra, asenoki Pa […]
Nisung kari kar anema tai agütsütsü lira, nenoki medemer o medemer na talangka aremzüka tai toktepang. Kibubai kechi koda nenok tai atok, yamaji nenokia benshiang. Kolosi 3:13 Tangari asenok yirutsüba lira, kecha mesükshii parnok dang tatok agütsütsu kuli asem Laishiba nung ashiba angur. “Kibubai kechi koda nenok tai atok, yamaji nenokia benshiang.” (Kolosi 3: 13). […]
“Aser pai ashi, O Kibuba, ni nü dang mepishir; tangar ka ang yokangma.” – Anitet 4: 13 Kodang Tsüngremi Mosa Israel nungertem Ijip lima alar tia nungi anitettsü aja, idangji Mosai Tsüngrem dang tangar ka ang yokang ta langzü. Peter danga mangdang ka nung Mosa ozüngi achitsü memelaba shiruru kar adoka sayu, aser Tsüngremi pa […]
“Anungji asenok nisung shiai pei indang Tsüngrem dang osang agütsütsü.” – Rom 14: 12 Takarsang (Luk 16:19-31), pai tai shimba ajanga molumi nung ali. Yamaji alitsüsa pai tai ana inyak. Mezüngbuba nung, pai pa atema dang ajak rizüng, tarutsü alima nung lir külen alitsü taküm atemabo kecha merizüng. Kodang aseni nükshiba agi peiji kokdaktsüdir, kanga […]