Dimapur, Metsüremi/March 16 (TYO): Home Department, Government of Nagaland ajanga sangdongba ama nüburtem ajangzüktsü mechi Deputy Commissioner, Dimapur, Anoop Kinchi, IAS-i Dimapur district kübok cinema hall ajunga shibangtsü totuyuba agütsüogo.State nung COVID-19 tashidak prokshiba nungi jenbua alitsü aser nokdangtsü mechi jelia iba mera agir, ta sangdong ka ajanga metetdaktsü.
Kohima, Metsüremi/March 16 (TYO): Bhagat Stadium, Rangapahar Military Stadium, Dimapur (Nagaland) nung April 1 nungi 4 tashi Army Recruitment Rally agitsü aliba thinenogo. India nung Corona Virus (COVID-19) tashidak pokteta tensa mejungi akümba apir iba rally thinenogo. Rally agitsü asoshi anogo mapangtong nung metetdaktsütsü. Iba dak sendakba nung osang tejangja agitsü asoshi item phone No. […]
Dimapur, Metsüremi/March 16 (TYO): Deputy Commissioner, Mon Thavaseelan K, IAS-i sangdong ka ajanga, Mon District kübok mapa mongui aliba tetsürtem (arishi küm 18 nungi 35) atema PLS Autoshell Pvt. Ltd-i (DDU-GKY kübok) March 17 nü District Rural Development Agency (DRDA) hall, Mon nung recruitment drive ka agitsü metetdaktsüogo. Iba recruitment drive nung Tourism & Hospitality […]
Dimapur, Metsüremi/March 16 (TYO): Mokokchung district administration aser District Level Centre for women DLCW-MSK-i achaayanga Beti Bachao Beti Padhao kübok CHC Mangkolemba block nung March 14 nü tetsür aser tetsür tanurtem atema angati medical camp ka ayonga agiogo. Medical camp nung tetsür 150 shi temang anepaluogo. Doctor tem rongnung Dr. Aonungdok SMO, Dr. Supongmeren IMDH […]
Dimapur, Metsüremi/March 16 (TYO): SAGY (Saansad Adarsh Gram Yojana) Scheme MP adopted Village Angphang dak sendakba nung Committee aser Line Department senden ka March 16 nü Deputy Commissioner Mon, Thavaseelan K, IAS lenisüba kübok DC Conference Hall Mon nung menogo. Senden nung SAGY Scheme kübok Angphang yimtsüng nung tinyakdak terenlok maparentem indang sensak asem. Tang […]
Dimapur, Metsüremi/March 16, 2020 (TYO): North East Artist Network (NEAN) Dimapur-i Deobarnü (15.03.2020) Drop in Centre (DiC) Alcoholics lapokja liasü. Iba DiC lapoktsüba nüngtem nung NEAN aser Alcoholic Anonymous (AA) den Ao Church Diphupar longjemer Stone Park, NEZCC Dimapur nung AA senden ka ayongzüka agiogo, ta sangdong ajanga metetdaktsü. Iba sentong nung Alcoholic Anonymous indang […]
Dimapur, March 13 (TYO): India nung Corona Virus (COVID-19) prokshitsü akok ta bilemba nung ajemdaker Urban Development Department-i Urban Local Bodies (ULBs) ajak nem tetuyuba ka agütsüogo. Iba tetuyuba indang Action Taken Report ka March 18, 2020 tashi nung agütsütsü atema metetdaktsüogo. UDD-i ULBS ajak nung School/Public/Departmental transport systems merüka ayutsü atema yuogo. Parnokisa public […]
Dimapur, March 13 (TYO): March 13, 2020 nü Kohima District Task Force (DTF)-i Kohima nung ‘single use plastics’ mapa küma inyaktsü atema tan agi pezübenbuba mita ogo. Kohima DTF-i mapang shia mita aoer aser tanü NGOs aser sorkar Department balalai yaria iba mapa inyakdang Kohima jila nung dokan ajak sema ao. Iba mapang dokan aika […]
Guwahati, March 13 (Agencies): Nagaland nung COVID-19 prokshiba azüoktsü atema Transport minister P Paiwang Konyak-i public transport nung mesen tepsetba mozü amshitsü atema tetuyuba agütsüogo. Public transport nung state helicopter, bus aser taxi tem dena lir aser iba mapa ya district ajak nung inyaktsü atema Minister-i tetuyuba agütsü. Paisa Nagaland district balala nungi Assam adena […]
Dimapur, March 13 (Agencies): NSCN-K tanishir asür SS Khaplang kinungtsü Chimori Hokolbarnep asü. La arishi küm 72 liasü. Myanmar kübok Sagaing Region nung aliba Taga tesem nung la mapang talangka shiranga aruba sülen asü, ta osang ajanga ashi. Chimori ya Hemi Naga tsür ka liasü. “Wt. Chimori mapang talangka shiranga arur March 13, 2020 nü […]