Dimapur, February 13 (TYO) : “Asenok sasa sorkar kümteta aotsü takhangba agüja rarabaji mitkar tashi mesüra tashiyim mapa ajanga tangatettep kati marutettsü ta India sorkari angateta, tang asenok tsüngda olemtep agia telemtetba ka dangi arutsü meranger,” ta Nagaland Chief Minister, T.R. Zeliang-i taonung All India Radio ajanga metetdaktsü. “Asenok India sorkar kübok lir aser India […]
Kohima, February 13 (TYO) : Kaketshir telok aser ano kin balala nungi teloktemi mepishiba agizüka, Nagaland Tribes Action Committee (NTAC) Kohima aser Joint Coordination Committee (JCC) nati asüng (Mongulbar) nungi tenzüker March 6, 2017 tashi NBSE-i acha-ayanga agiba HSLC & HSSLC tatidang tiptema agitsü atema mokdangba kübok maitdaktsütsü telemtetba agiogo. HSLC & HSSLC tatidang agütsür […]
Dimapur, February 13, 2017 (TYO): February 10, 2017 nü Tuensang Division, Naga People’s Front-i Assembly constituency ajak, tenetprongla den rongdak senden ka ayongzüka liasü, aser iba senden nung tang Nagaland tensa indang aser, tang ama mapang ka nung state sorkar aser party nungittsü nüngdak ta o lemtepogo, ta NPF, Tuensang Division General Secretary, Bendang Sangtam-i […]
Dimapur, February 13 (TYO): IGAR (North) leniba kübok 32 Assam Rifles intelligence osang ka nung ajemdaker February 11, 2017 nü AR sepaitemi police den külemi Burma Camp Bridge, Dimapur tesem mita aodang nisung ana ket nungi pistol den injang asem, 303 Rifle misfired case ka, USA made kotari ka aser NSCN(K) indang cash receipt (Ser […]
Dimapur, February 13 (TYO) : February 11, 2017 nü osangkakettem nung kü tenüng nung NPF Central Women Wing sangdong ka nung, JCC dang mokdang anentsü aser kin teloktem den olemtep tenzüktsü mepishiba ajanga tasür kinungertem, parnok yimertem aser lokti temulung yirutsüogo, ta NPF Central Women Wing Working President, Khriezobeinuo Sanchu-i sangdong ka nung metetdaktsü. Ni […]
Kohima, February 12 (TYO) : Chief Minister T R Zeliang-i menden metoktsütsü tekong merangba anema Joint Coordination Committee (JCC) aser Nagaland Tribes Action Committee (NTAC) Kohima nati Hombarnü ghonda 12 mokdangtsü ayongzükogo. “TR Zeliang dang Chief Minister menden nungi alung ta takhangba agütsüba magizükba aser pai tekong meranga nokdakba ajanga JCC aser NTAC Kohima nati […]
Dimapur, February 12 (TYO) : NBCC-i State sorkar aser lungkak aitertem tsüngda tiyongtsü ia shilem agiba pusema nungiter ta Dimapur aser Kohima nungi Naga Khristan lennirtemi sangdong ka nung metetdaktsü. “Iba ama tensa ka nung Tsüngrem dang lenmang sayuang ta sarasademba dak alaka tanga lenmang kecha mali. Anungji, Nagaland nung Khristan tem tenüng nung onoki […]
Dimapur, February 12 (TYO): Nagaland Chief Minister, TR Zeliang-i asüng (Hombar) aonung 7:30 ako nung All India Radio Kohima ajanga state nung alirtem dangi osang abentsü, ta CMO Media Cell sangdong ka nung metetdaktsü. Nagaland nung alir ajak dang Chief Minister-i jembiba onük angatsü mepishir, ta sangdong nungsa shia lir.
Dimapur, February 12 (TYO): February 14, 2017 nung kaketshirtem tatidang agütsütsü lir anungji Naga nunger ajaki shisaliok rejutem tetsükdaktsü kecha majurui lapoktsü atema mapa inyaktsü mepishir, ta Naga Students’ Federation (NSF)-i sangdong ka nung metetdaktsüogo. Tanü tensa ajanga school aser college tem melapoktetba ajanga lanuputu tarutsü asoshi takoksa ulura bener arutsür, ta NSF-i ashi. NSF-i […]
Kohima, February 12 (TYO): Osangkakettem nung, Chief Minister-i NBCC nungi teshimtet telok dang, “NTAC aser JCC dang, financial year tembang tashi, March ita tashi pa tashi nung alitsü atema shijang ta ashi,” ta adoka lir; nisung ka tenüng agi Nyekha-i ashibaji khenyongi tai aser Chief minister menden akhümket raksatsütsü nükjidong nung tai puraba lir, ta […]