CB Trophy: Gujarat-i A&A telok akok

Dimapur, November 16 (TYO): Board of Control for Cricket in India (BCCI)-i ayonger Nagaland Cricket Association (NCA)-i ketdangsüa, Dimapur nung asayaba All India Cooch Behar (CB) U-19 Trophy cricket asaya nung Gujarat Under-19 (U-19) teloki Associate & Affiliate (A&A) ta ajaba teloktep BCCI telok tsükdaktsüogo.
Anogo 4 tashi agia asayaba sülen Gujarat teloki innings 1 aser runs 265 agi A&A telok madak takok ngua liasü.
Tan asaya ya NCA-i tan mezüngsüa ketdangsüa, Nagaland nung BCCI jenjang nung asayaba asaya lir.
Nagaland, Manipur, Sikkim, Arunachal Pradesh, Meghalaya aser Bihar nungi asayartem densemba A&A telok ya All India Cooch Behar U-19 Trophy asayamong kübok Group B nung densema lir aser par teloki Saurashtra telok den Rajkot nung tan November ita 21-24 nü tashi asayatsü lemzüka lir.
Par teloki maneni Hyderabad, Karnataka, Jharkhand aser Madhya Pradesh teloktem den India tesem balala nung tan November aser taruba December ita asayatsü lemzükogo.
Ano külen, Nagaland nung CB Trophy asayatsü maongka agütsüba atema BCCI dang pelaba olen ka NCA-i metetdakja liasü.