CBF-i coach, Micale mapa nungi anendaktsü

Rio de Janeiro, February 21 (Agencies) : Brazilian Football Confederation (CBF)-i parnok youth coach Rogerio Micale mapa nungi anendaktsüogo.
Pai ita trok lenisüba mapang linük team-i mezüngbuba Olympic gold medal ngua liasü.
Punguben tashi world champion ngua aliba telok, Brazil under-20-i South America qualifier asayaba mapang jenjang pungu buba nung tembangba ajanga Hombarnü Micale pa mapa nungi anendaktsü, ta osang ajanga ashi.
South Korea nung taküm under-20 World Cup asayamung nung Brazil nunger shilem magitettsü. Iba asayamung nung par continent nungi Uruguay, Ecuador, Venezuela aser Argentina linüktemi shilem agitsü.
Micale Brazil nunger coach asüba mapang 2015 küm under-20 World Cup nung tanabuba jenjang nung takok angu aser CBF-i Dunga coach nungi anendaktsüba sülen pa Olympic nung asayatsü pur coach asütsü asoshi shima liasü.