CBFC züngsemtem tsüngda tangatettep ka alitsüla: Sonakshi Sinha

New Delhi, 15 2017 (Agencies): Central Board of Film Certification (CBFC) ajanga Noor film nung journalist Barkha Dutt tetshia aliba melenshitsü asoshi tetuyuba agütsüba sülen, film nung tongti shilem agila Sonakshi Sinha-i ashiba agi, censor board-i film tem asadangba yimya nung inyakyim telatet ka alitsüla.
Noor film nung Sonakshi, Barkha Dutt sapur journalist ka ama shilem agir, saka CBFC ajanga film yanglurtem dang ‘Dutt’ tenüng melentsü asoshi tetuyuba agütsü.
“Censor board-i film ka asoshi meshidakba shilem kaji film kar asoshibo shitak asütsü akok ta parnok tsüngda telemtetba kati arutsüla. Parnoki film asadangba yimya kanga memedem, anungji tamasa parnok tsüngda angatetteptsüla.” ta Sonakshi iba ken o dak sendakba nung asüngdang dang osangbenertem dang ashi.
Iba film ya Sunhil Sippy- direct asü aser Saba Imtiaz-i züluba Pakistan nunger otsü kaket ka nung ajemdaker yangluba film ka lir.
Iba kaket otsü ya Karachi nung alir arishi küm 20 tain osangbener Ayesha Khan dak ajemdaker züluba otsü ka lir.