CBI-i anogo 5 asüngdangba sülen Kolkata Police Commissioner chiok

Shillong, February 13 (Agencies): Shillong nung CBI-i Kolkata Police Commissioner Rajeev Kumar chiokogo aser pa Kolkata-i meyipa aotsü.
Tanü Saradha chit-fund ken o atema ghonda 3 shi asüngdangya asüba sülen pa chiok.
Kolkata Police Commissioner-i CBI dang Supreme Court nung pa aser ketdangser 2 anema ken o benoka aliba indang telangzüba agütsütsü atema February 18 tashi ‘break’ agüjang ta shidi ka zülu.
Kumar-i Saradha chit-fund ken o nung meyariteper ta shia February 4 nü CBI-i Supreme Court nung ken o ka benoka lir.
Taoba Honibar nungi Central Bureau of Investigation (CBI)-i Kolkata Police Commissioner Rajeev Kumar dang Saradha chit fund ken o atema asüngdangyatsü tenzük.
Supreme Court-i Kumar dang tesem ka nung CBI den ajuruteptsü tuyuba sülen pa Hokolbar nikongtsütsü Shillong tonga aru.
West Bengal cadre IPS officer 3 aser pa tenui Kumar meina aru.
CBI aser Kolkata Police tsüngda obang meputep adokba sülen West Bengal Chief Minister Mamata Banerjee-i ghonda 45 tashi mener lungkak aita liasü.