CBI-i Delhi CM Kejriwal indang Principal Secretary puogo

New Delhi, July 04 (Agencies): Hombarnü CBI-i, Delhi Chief Minister, Arvind Kejriwal indang Principal Secretary, Rajendra Kumar den tangar nisung pezü ochimashi ken o nung puogo.
CBI osang ajanga ashiba agi, Kumar-i pa official menden tim mesüi amshia M/s Endeavour Systems Pvt. Ltd. nem contract agütsü aser 2007 küm nungi  2014 küm tsüngda iba company atema sen crore 9.5 jenjang sorkar tenders agizükba nung ajemdaker tai tongloktsü.
CBI-i, Kumar  anema Indian Penal Code (IPC) Section 120-B kübok aser Prevention of Corruption Act nung aliba ozüngtem kübok ken o benokogo, ta metetdaktsü.
CBI osang ajangasa ashiba agi, 2006 küm mezüng tenzükba sen crore 50 ochimashi ken o nung tongti aibelenerji Rajendra Kumar kümogo.
Asüng par ponguprong Delhi nung aliba Patiala House court matsüngdangi anir aotsü.
Taküm March ita nung Kumar-i special court ka dang CBI-i pa indang laptop, iPad aser sen apuba meyipa agüjang ta mepishia liasü. Taküm April ita nung trial kati M/s Endeavour Systems Pvt. Ltd. Indang bank account ana sota ayutsü atema tetuyuba agüja liasü.
Iba mapang nungji Delhi High Court-ia trial court tetuyubaji agizüka M/s Endeavour Systems Pvt. Ltd. Indang bank account sota ayutsü temelaba agütsü.
Iba sülen yaküm CBI-i Rajendra Kumar anema tai tongloktsüba dak sentakba nung Delhi Secretariat mita reprang. Iba sülen December 15 nü CBI-i had Kumar’er office mita reprang.
Delhi Secretariat aser Kumar indang office mita reprangba dak sentakba nung Chief minister Kejriwal-i, “CBI-i kechiba tanü kü office-i aru aser parnoki koba file bushir liasü, ibaji metettsü nüngdaka kümogo,” ta jembia liasü.