New Delhi/Bengaluru, October 10 (Agencies): Business tetsüti Vijay Mallya-i IDBI bank nung sen crore 900 apuer sentong aser tetemlok kecha magütsüba ajanga par ki, office aser tang anener aliba Kingfisher Airlines, Central Bureau of Investigation CBI-i mita reprang (raid), ta ketdangertemi ashi.
“Mallya-i sen crore 900 tashi apuer Bank inyakyim alema benshiba ajanga iba mita oa reprangba ya Mumbai, Bengaluru aser Goa nung aliba par office aser ki pongu tashi nung tudak lir,” ta CBI otongdari New Delhi nung IANS dang ashi.
Kasa tatalokba dak sentakba nung Central Bureau of Investigation-i Kingfisher kibuba indang financial officer A. Raghunathan aser IDBI Bank Ltd ketdangser kar aliba tesem nunga mita reprangogo.
IDBI bank-i Kingfisher Airlines rongsen kettsüng jenjang majungba meteter sür nung 2014 küm sen aputsüba ajanga tenük yokatsü tenzük.
Mallya’er tayimtsütem ya October 2012 nungi anena lir.
Linük nung bank ishikati parnok dang Kingfisher-i sen crore 7,000 shi apua aliba temai adoka metetdaktsüogo aser item bank rongnung pai apuba timtibaji State Bank of India (SBI) dang sen crore 1,600 apua lir.
Iba den külemi ano Punjab National Bank dang sen crore 800, Bank of India dang sen crore 650 aser Bank of Baroda dang sen crore 550 apua lir.
You must be logged in to post a comment Login