CBI-i Rakesh Paul’er kiojen mita ao

Guwahati, July 24 (Agencies): Central Bureau of Investigation (CBI)-i Mongulbarnü taoba Assam Public Service Commission (APSC) chairman Rakesh Paul’er kiojentem mita ao.
Guwahati aser Meghalaya kübok Tura nung CBI ketdangsertemi Paul’er kiojentemji mita ao ta osang ajanga ashi.
Taoba APSC chairman Paul ya tang tepuokdak yua lir.
Gauhati High court-i tawa tu Paul indang rongsen onsara aliba onük CBI nem bushisüngdang asütsü atema mapa nungloktsü.
Rakesh Paul ya Meghalaya kübok Tura nungi lir aser APSC nung sen crore aika yong mapa ayokba ken o nung pa tongti süa aija lir.
2016 küm Dibrugarh nung süpokrem meshiba ken o ka benokba sülen Dibrugarh police-i Paul apu.
Iba ken o dak sendakba nung APSC züngsemtem, ketdangsertem aser APSC ajanga shimoker nisung 70 dak tema police-i puogo.
Osang ajanga ashiba agi Rakesh Paul-i kiojen 22 tashi alizük aser item rongnung Guwahati aser Kolkata nung residential flats aser kimungtem dena lir.
Pa indang rongsenji Rs 100-150 crore tashi lir, ta osang ajangasa metetdaktsü.
APSC nung mapa alizüker ket nungi pai süpokrem anguba ajanga rongsenji bendenba liasü.