CBI-i taoba Arunachal CM Tuki dak tai tongloktsü

New Delhi, July 12 (Agencies): Central Bureau of Investigation (CBI)-i taoba chief minister of Arunachal Pradesh Nabam Tuki dak tai tongloktsüogo.
Ochimashi, ashikülakba aser taila mapa inyakba onüktem nung pa dak tai tongloktsü.
2003 küm Nabam Tuki-i Consumer affairs and civil supplies Minister inyakdang par kinunger nem sen crore 20 alangba contract 11 lemzüktsü ta tai tonglokja lir. Iba onük nung tenu Nabam Tagam dena lir.
Iba onük ya Gauhati High Court-i CBI nem agütsü. Tuki ya 2011-16 tsüngda chief minister liasü.
Iba onük nung tenu Nabam Tagam, taoba Director civil supplies N N Osik aser taoba United Commercial Bank chief manager Sohrab Ali Hazarika nungertem dak tai tonglokja lir.
Osik-i ozüng alema sen lakh 30 agütsü aser ibaji United Commercial Bank indang Itanagar kongsang nung pa indang account nungi liasü, ta tai tonglokja lir.
Iba cheque ji Tuki tenüng nung agütsü saka tesülen “yourself” ta melen, ta CBI-i ashir.
Hazarika-i branch manager ka ama senji Tuki’er account dangi yok aser cheque beneficiary melenshiba atema temelaba kecha memeshi, ta CBI-isa ashi.
Bank record tem nung account holder tenüng melenshi aser T Nabam tenüng nung melen. Specimen signature card nunga Tuki tenu Nabam Tagam indang noksa enok. Ajisüaka,
CBI-i bushisüngdanga aodang account ji Tuki indang liasü aser account opening form nung pa indang specimen signatures enoka lir ta bushitet.