CBI-i Teesta Setalvad’er ki mita reprang

Mumbai, July 14 (Agencies): Mumbai, Juhu nung Mongolbar anepdang CBI ketdangsertemi activist, Teesta Setalvad’er ki mita reprangogo.

Mumbai tesem pezü nung CBI ketdangsertemi Setalvad, la kinüngbu Javed Anand, Gulam Mohammed Peshimam aser Sabrang Communications & Publishing office mita reprangogo.

Iba dak sentakba nung Teesta-i, “Iba ya ajanga onok aoksar,” ta ashi.

Laisa, “Onoki akokba tashi agi yaritepa aruogo,” ta ashi.

2002 Gujarat rara nung takoksa ajururtem atema noktaker Teesta-i, “CBI den onoki akokba tashi agi yaritsü ta onoki shidi züluogo aser onok anema benoka aliba aibelentem ajak bushisüngdang nung onoki yariteptsü ta shiogo. Anungji tang mita aoba indang ya onoki mangatetter,” ta ashi.

Gujarat rara agi kongshia alirtem yaritsü asoshi lar melungtet teloki sen bendenba dak sentakba ken o nung CBI-i lar ki mita reprangba lir.

La anema tai tongloktsüba ajakji tai ta lai shiogo iba den külemi la police nem mepudaktsütsü asoshi temepishiba Supreme Court tashi nung benoka lir.

Mongolbar nü CBI-i lar ki mita reprangba mapang labo kidang maliasü.