CBSE Class 12 tatidang osang sangdongogo

New Delhi, May 21 (Agencies): Honibarnü CBSE Class XII Board exam agiba osang sangdongogo aser iba tatidang nung tetsürtemi shilem 88.58 ngua teburtem dang nungi takok tajungba angu.
Teburtemi takok anguba shilemji 78.85 dang liasü.
Tesem telemsa apidangba nung tangartem dang nungi South India kaketshirtemi takok tajungba angu aser Kerala, Thiruvanathapuram Region nungbo takok angur shilem 97.61 liasü, iba sülen Chennai nung takok angur shilem 92.63 liasü.
Taküm küm takok angur shilem 83.05 liasü; yaküm shilem 82-i takok ngua liasü.
Taküm tatidang agütsür ajak agi kaketshir 10,65,179 liasü, aser ibaji yaküm dang nungi shilem 2.38 agi timba lir.
March 1 nungi April 26, 2016 tashi agiba tatdidang osangji item websites asem nung angutsü-www.Results.Nic.In, www.Cbseresults.Nic.In aser www.Cbse.Nic.In.