CBSE Exams atema kaketshirtemi fees magütsütsü: Manish Sisodia

New Delhi, August 14 (Agencies): Delhi sorkar school tem aser sorkari yariba school tem nung kaketshirtemi Class 10 aser 12 CBSE examinations atema fees magütsütsü saka sorkari agütsütsü, ta Delhi Deputy Chief Minister, Manish Sisodia-i metetdaktsü.
CBSE-i fees atutsü atema lemtetba sülen Delhi sorkaria kaketshirtem nem fees magütsüdaktsütsü atema telemtetba agiogo.
Hombarnü CBSE-i, fees atuba khuretji sorkar aser sorkari yariba schools nung SC/ST kaketshirtemi magütsütsü, kechiyong Delhi sorkari dang Board nem sen agütsütsü, ta sangdonga liasü.
Osangbenertem den jembidang AAP lenir, Sisodia-i, “Delhi sorkar school tem aser sorkari yariba school tem nung kaketshirtemi Class 10 aser 12 CBSE examinations atema fees magütsütsü. Kaketshirtem ajak indang fees ji Delhi sorkari agütsütsü,” ta metetdaktsü.
“Exam fees atubaji ajemtsü atema Delhi sorkari CBSE den jembidar. Kechi südir süaka registration feess khuretji kaketshirtem nem magütsüdaktsütsü, kechiyong sorkari iba khuretji abentsü,” ta paisa ashi.
Taoba hopta CBSE-i class 10 aser 12 pur examination fees atutsü aser Classes 9 den 11 atema registration fees atutsü, ta metetdakja liasü. Classes 10 aser 12 general category students atema fees 750 aliba nungi sen tua 1,500 kümogo.
Scheduled Caste (SC) aser Scheduled Tribe (ST) students-i subject pongu atema sen 375 agüja aliba nungi tangbo sen 1,200 agütsütsüsa akümtsü.