CBSE kaket ajak online nung angutsü : Irani

New Delhi, Dec. 20 (Agencies) : CBSE kaket aser learning material ajak online nung angati atema angutsü ta Union HRD Minister, Smriti Irani-i metetdaktsüogo.
East Delhi nung Kendriya Vidyalaya ki tasen ka lapoktsüdang Irani-i ashiba agi, taruba academic year nungi Centre-i Kendriya Vidyalaya ajak nung tsüraburtemi pei tanur indang osang meteta angajemtsü atema sentong balala tenzüktsü.
Minister-isa ashiba agi, ita ka ser tesadang jelia NCERT kakettem online nung e-books aser mobile applications ajanga angati atema angutsü tenzükogo.
Laisa lar ketdangsertem dang Child Conventions ayongzüka agitsü aser item sentong nung tanurtem aser mongin nisungtem tsüngda sensaksem mapang alitsü tetuyuba agütsüogo, ta Irani-isa metetdaktsü.
Centre-isa taruba academic year nungi Kendriya Vidyalaya ajunga nung ‘Shaala Darpan’ aser ‘Saransh’ services tenzüktsü. ‘Shaala Darpan’ service ya tsüraburtem dangi pei tanurtem indang attendance, time table aser marks nunger indang SMS yoktsü atema lir.