CCHD aser CUE Academy nati ‘writing skills’ atema tezüngzüktep ka agiogo

Chiteni/July 02, 2018 nü Capital College, Kohima nung ‘Writing Skills’ atema tezüngzüktep agiba sentong nung Dr. Rukulu Kezo Puro, Chief Instructor CUE Academy, Zhokhoto Puro, Managing Director, CUE Academy, Vezuhu Keyho, Principle Capital College aser Er. Thenuvecho Puro, Chairman, CUE Academy nunger tangokba angur. 

Kohima, Chiteni/July 02 (TYO): Nagaland nung aliba college tem nung kaketshirtem writing skills jenjang majungba tebilemtsü nung ajemdaker tanü CCHD, Kohima nung CUE Academy, Centre of Writing Skills aser Capital College of Higher Education (CCHD) nati -i tezüngzüktep ka agiogo, ta osang ka ajanga metetdaktsü.
Parnok senteper collaborators ama ita asem certificate course- Basic Academic Writing workshop agitsü, aser ibaji ajanga kaketshirtem zülubaren nung yaritsü.
Parnok longjemer iba course agutsüba ajanga kaketshirtem study skills nung yariba den külemi zülubaren nunga yaritsü.