CEC aser ECs-i Nagaland semdangtsü

Kohima, Tsüklai 10 (TYO): Küptoknü (Honibar) Chief Electoral Officer, Nagaland-i sangdong ka ajanga, Nagaland nung election atema terenemshiba asadanga reprangtsü atema Tsükali 14-15, 2018 anogotem nung Chief Election Commissioner of India den Election Commissioners aser Deputy Election Commissioners-i state semdangtsü, ta metetdaktsü.
Iba dak sendakba nung Dzukou Hall, Hotel Japfu, PR Hill, Kohima nung Tsüklai 15, 2018 anepdang 10:45 ako nungi 11:30 ako tashi Election Commission-i osangbenertem den senden ka amentsü, anungji iba anogo nung 10:30 ako tashi nungbo osangbenertem, reporters aser camera crew tem Press Conference Hall nung alitsüla, ta kasa osang ajanga metetdaktsü.