CEC-i anir telok kati Nagaland semdanger

Dimapur, Tsüklai 14 (TYO): Tsüklai 14, 2018 nü Chief Election Commissioner, O.P. Rawat-i Hotel Japfu nung SVEEP Photo Exhibition tenzüktsü. Iba sentong nung paisa SVEEP booklet sayaja liasü.
Rawat den Election Commission of India nungi züngsem 6-i tanü Hotel Japfu nung political party tem den senden amen aser iba mapang CEO aser State Nodal Officer temi osangtem metetdaktsü.
ECI telokisa Commissioner, DEOs aser Security Personnel den review meeting amen.
Parnoki Chief Secretary, DGP, Income Tax, RBI, Narcotics aser tanga tongti ketdangsertem den senden amentsü aser Tsüklai 15, 2018 anepdang 10:45 ako nung Hotel Japfu osangbener senden ka nung adentsü.
Tanü lapoktsüba Photo Exhibition nung VVPAT Awareness and Demonstration, Street play on Eliminating Malpractices, Assessment Camp for Persons with Disabilities, Seminar on Qualititative Participation in Terms of Ethical aser Informed Voting tem dena lir.