CEC-i osangbenertem senden ayonger

Kohima, Tsüklai 12 (TYO): Tsüklai 12, 2018 nü Chief Electoral Officer, Nagaland-i sangdong ka ajanga, Nagaland nung election atema terenemshiba asadangtsü atema Tsüklai 14-15, 2018 anogotem nung Chief Election Commissioner den Election Commissioners aser Deputy Election Commissioners-i state semdangtsü, ta metetdaktsü.
Iba dak sendakba nung Dzukou Hall, Hotel Japfu, PR Hill, Kohima nung Tsüklai 15, 2018 anepdang 10:45 nungi 11:30 ako tashi Commission-i print aser electronic osangbenertem den senden ka amentsü, anungji iba anogo nung 10:30 ako tashi nungbo osangbenertem, reporters aser camera crew tem Press Conference Hall nung mener alitsüla, ta kasa osang ajanga metetdaktsü.