CECS Dimapur nung takok angur nem tenüngsang agütsü

Dimapur, May 23 (TYO) : Community Education Centre School (CEC School) Dimapur nung taküm 2017 küm HSLC nung takok angurtem nem tenüngsang agütsüba sentong ka May 19, 2017 nü ayongzüka agiogo.
Iba sentong nung takok angurtem nem tenüngsang agüja jembidang, CECS Director, Wb.Subonenba Longkumer-i kaketshirtem dang tarutsü nunga tajungtiba takok angutsü asoshi nükjidong yur meranga azüngtsü ajungshi. Paisa kaketshirtem dang taküm tia ajak nung akanga nokdaktettsüsa renema alitsü ayongzük.
Iba sentong nungsa tesayurtem, School Board aser züngtemer aoer kaketshirtem rongnungi tenüngsang aser tepela o tatsütsü jembia liasü.
Sentong nung kaketshirtemi ken ka aten aser CECS Director-i takok angur nem tenüngsang kulikaket den sempet agütsü. Iba sentong nung tsüraburtema aden.