Celine Dion kinungbo Rene Angelil süogo

Los Angeles, January 15 (Agencies) : Kentener Celine Dion kinungbo aser la taoba manager Rene Angelil arishi küm 73 nung süogo.

Brihostibarnü Las Vegas nung Angelil terok cancer ajanga asü aser iba osangji Celine-i la indang Facebook page nung metetdaktsü, ta variety.com ajanga ashi.

Angelil ya Montreal nung aso aser 1960s mapang par medemer ana den pop rock telok The Baronets tentet. Iba telok loksa aoba sülen pa manager ka aküm.

1981 küm arishi küm 12 tain Celine Dion-i Angelil dangi demo tape ka yok aser iba sülen pai Celine den yariteptsü mulunga agizük.

Celine arishi küm 19 asüdang tena nüknaratep aser küm pungu shi ka tena meimtepba sülen Celine-i 1993 studio album “The Colour of My Love” ajanga tena meimtepba osang yimjak nung metetdaktsü.

Tena 1994 küm kibong aküm aser 2010 küm “Celine Dion: Through the Eyes of the World” concert documentary nung Angelil-ia shilem agi.

1999 küm Angelil dak terok cancer aliba putetba sülen Celine-i la kinungbo anepalutsü atema kentenba nungi anisüngzüktsü telemtetba agi.

Küm 30 Celine indang manager inyaka arur June 2014 nung Angelil-i iba mapa nungi anen.