Celine Dion teno, Daniel cancer tashidak agi süogo

January 17, 2016: Kentener Celine Dion kinüngbo, Rene Angelil cancer tashidak agi sür anogo ananü dang lir külen ano la teno, Daniel Dion-a arishi küm 59 nung kasa tashidak agi süogo.
Daniel asüba osang ya Celine atema osang benshir, Francine Chaloult-i metetdaktsü.
Celine kinüngbo Rene Angelil arishi küm 73 nung, January 14, 2016 nü asü. Pa ya trok cancer agi shiranga asü.
Daniel ya Honibarnep Montreal nung asü, ta aceshowbiz.com ajanga metetdaktsü.
Pa asüba mapang, arishi küm 89 tain, tetsü dena par kibong nung züngsemtemi mekütbanger liasü.
Therese aser Adhemar Dion na tanur 13 rongnungi Daniel ya ti buba liasü.
Daniel-i jala Valerie aser Marie-Michelle na den semchir Matis aser Laurianne nunger yutsür iba lima nungi pilaogo.
Celine teno rongnung ka, Claudette Dion-i Daniel ya anogo ishika dang taküm alitsü akok, ta shia liasü.
“Temulung kanga ayanger. Gondha ishika tsüngda nung Daniel-a Rene ama trok, temeli aser tekolok cancer agi iba lima nungi pilaogo,” ta Claudette-i Journal of Montreal dang ashi.
Pa asüba osang nung, “Pa tatem anogotem nung Terrebonne, Quebec nung aliba care centre, Maison Adhemar-Dion nung doctor temi kanga junga anepalua liasü. Iba centre nem agütsüba naro aser sen tenla ajak kanga pela agizüktsü,” ta shia lir.
January 23 nü Salon Charles Rajotte, Repentigny, Canada nung pa asüba bilemtetba sentong ka akatsü aser asüpila sentongji St-Simon-et-Jude, Charlemagne, Quebec nung agitsü.