Cellkart shopping app aser website lapokogo

Dimapur, Mongputeni/October 09, 2020 (TYO): Hoklbarnü, Dimapur nung Cellkart ta nüngja agütsür, online shopping app aser website naprongla Dimapur Municipal Council (DMC), Administrator Albert Ezung-i lapoktsüogo.
Cellkart ya Asangla Toshi Jamir aser Asangla Sunep Phom nati atongtetba tasa/mapatong ka lir, kong iba online sabang ajanga asenok nüngdakba osettem ki tashi tongtsütsü.
Grocery, nüngdakba osettem, accessory, mobile phone aser kidang amshiba/nüngdakba tanga osettsüset balala tem agüja aliba jenjang shitak nung talir ket kara kara tongtsütsü asoshi Cellkart-i inyaktsü.
“Online ajanga osettsüset alirtemi akhangba asadanga aser parnok nüngdakbatem peridaktsütsü nükjidong nung, onoki Cellkart online delivery app aser website lapoktsür,” ta tenati ashi.
Kasa mapang, Local Entrepreneur temi iba app aser website nung taa medeni parnok indang product tem bendenloktsü atema Cellkart-isa sabang ka lapoktsür. Tejangrartemi, Cellkart app ya playstore aser website www.cellkart.in ajanga download sütetsü.