Centenary ya nüburtem Khrista nung nuchi tia anguba benjungmung

Mokokchung, December 20 : Mongsenyimti Baptist Arogo küm noklangzüng ajungba benjongmung December 19 nungi 20 tashi ” Khrista sangwa nung putitem” ta asüba Omen nung amendaker kanga dang temoatsü ngua agiogo.
Iba sentong tanabuba nung Veterinary & Animal Husbandary, Parliamentary Secretary S.Chuba Lkr-i tepela o jembidang pai centenary ya nüburtem Khrista nung nuchi tia anguba benjungmung ka lir. Anungji nuburtem iba benjungmung sentong pelateper. Pelatepbaji Khrista nung pelar asü ali shi nung pelar ibaji aroka shisadang kang nüngdaker ta shia centenary munger ayongzük.
Centenary tashi nung Mongsenyimti nunger tejakleni Tsüngremi aniogo ta Tsüngrem tenüng sanga amunger saka iba dang tongtipangtibaji Centenary sülen kechi asütsü ibaji kanga agi tongtipangtiba asütsü, anungji centenary sülenbo ano talila temoatsü ngutettsü asoshi Mongsenyimti senso shia telongjem sarasadem akatsü kanga nüngdaker ta S. Chuba Lkr-isa ajungshia jembi.
Tanü iba tanabuba sentong nung Mongsenyimti Baptist Arogo küm noklangzüng ajungba benjongmung nüngtem nung Pastor inyaka alirtem nem sempet aser Arogo lenla balala nung shilem agia inyakertem nem khuli kaket (certificate) agüja liasü.