Central Minister-i Tizit nung school semdang

Dimapur, October 06 (TYO): Minister of State (Ministry of Tribal Affairs, Govt. of India), Sudarshan Bhagat-i October 5, 2017 nü Tizit nung Eklavya Model Residential School semdang.
Tizit semdangba mapang nung Minister-i ajak dang sorkari agütsüba maongka balala agitsü atema ayongzükba den külemi tesüiba kümtem nung board tatidang nung takok tajung anguba atema tesayurtem aser kaketshirtem nem tenüngsang agütsü.
Minister-isa, Sangha yimi tesem nung tanurtem tajangzük angutsü atema school yanglutsü asoshi kimong tenlaba atema pelaba shisem.
Paisa, iba school terenlok atema pai akokba tashi teyari agütsütsü, ta nangzük.
Union Minister den Planning & Coordination Advisor, C.M Chang aser tongtibang ketdangser aika densema liasü.
Eklavya Model Residential School ya 2007 küm amenoka liasü. Ministry of Tribal Affairs Govt of India-i senotsü agi iba school yarir aser Society of Nagaland Tribal Welfare Education & residential institution NTWERI-i iba school achaayanger.