Central schemes ajanga NE linük den liromedema renloktsü: CM Zeliang

September 16, 2016 nü Dimapur nung Nagaland Chief Minister, TR Zeliang, DoNER Secretary, Naveen Verma aser MP tem- Ninong Ering, Gaurav Gogoi aser K.G.Kenye nunger NEC Committee senden nung adenba noksa nung angur. (Dimapur, September 16, 2016).

Dimapur, September 16 (TYO): Road & Highways, Airports aser Air Connectivity, Railways aser Inland waterways atema North East Council (NEC) Committee mezüngbuba senden September 16, 2016 nü Rhododendron Hall, Chumukedima Dimapur nung menogo.
Iba senden nung Committee mendenbuba aser Chief Minister Nagaland, T.R. Zeliang-i, züngsem state tem projects atema asameyangba aser inyakba nung yaritsü asoshi NEC-i research aser innovation ajungkettsütsüla aser tesem atema strategic policy vision agütsütsü nüngdak, ta ashi.
Iba dak sentakba nung Zeliang-isa, NEC indang mandate ji regional planning body nungi regional planning aser development body tashi asütsüla, ta ashi.
NEC nung temelenshi alitsü atema Ato kilonser mangdang takok angutsü atema senotsü timba kümtsütsü nüngdak aser North East Region nung terenlok junga akatsü atema specialised knowledge aser skills alir nübo agütsütsüla, ta pai ashi.
Zeliang-isa, India sorkar Act East Policy ajanga North Eastern Region-a linük terenlok mapa nung züngsemogo, ta ashi.
Paisa, Centre sorkar indang schemes- National Road Development Programme, SARDP-NE, PMGSY, Railway aser Air Connectivity atema National Programme ama scheme ajanga tesem nung terenlok alitsü aser linük den liromedema aintsü atema nüburtem nem teimla agütsüogo, ta metetdaktsü.
Iba senden nung Chief minister-i, North East Region nung gari lenmang, Railways, Airports aser Inland waterways terenlok indang metetdakja liasü.
Senden nungsa Nagaland MP, K.G.Kenye-ia Centre, NEC aser subsidiary DoNER-i tesem nung nüngdakba terenlok mapatem atema nendaka inyakba atema pelaba shisem.
Committee züngsem aikati pei tebilemba onüktem lemsatepa liasü.
Iba senden nung MP tem- Ninong Ering, Gaurav Gogoi aser K.G.Kenye, Nagaland parliamentary Secretary, Planning Neiba Kronu, Secy. DoNER, Naveen Verma, Secretary NEC, Ram Muivah, taoba Chief Secretary Nagaland, Alemtemshi Jamir IAS Retd., taoba Vice Chancellor, Ranchi University Professor Darlando Khathing, JNU Dean, New Delhi, Professor Manoj Pant, Manipur University nungi Professor Amar Yumnam, Finance analyst, Swapan Sarkar NEC nung ketdangsertem, Airports Authority of India nung ketdangsertem, Centre sorkar aser State planning department nungi ketdangsertem dena liasü.