Centre-i 7th Pay Commission reprangshimtsü

New Delhi, Jan. 13 (Agencies): Bodbarnü Centre sorkari 7th Pay Commission ajanga benokba maparen reprangshimtsü atema kanga dang temaba jenjang nung luden ka tentetogo.
Cabinet Secretary PK Sinha lenisüba kübok luden jagi central sorkar mapa inyaker lakh 47 aser pensioner lakh 52 indang itasen reprangshimtsü.
7th Pay Commission-i junger ta benokba telemtetbatem reprangshimtsü atema Cabinet-i Empowered Committee of Secretaries tentettsü mulunga agizükogo, ta Parliamentary Affairs Minister M Venkaiah Naidu-i osangbener dang ashi.
Pay scale tasenba mapa küma amshiba ajanga 2016-17 financial year nung sorkar sen 1.02 lakh crore shi talila endoktsü. Sorkari agizükba sülen iba inyakyim ya January 1, 2016 nungi tenzüka amshitsü.

You must be logged in to post a comment Login