Centre-i “Additional Compassionate Pension” agütsür

New Delhi, October 25, 2024 (Agencies): Department of Pension and Pensioners’ Welfare (DoPPW)-i centre sorkar kübok arishi küm 80 ser tema pensioners nem pension benefit talila agütsütsü metetdaktsüogo.

DoPPW ya Ministry of Personnel, Public Grievances, and Pensions kübok lir aser parnoki “compassionate allowance” agütsütsü shiogo.

Arishi küm 80 nungi 85 tsüngda senior citizens nem basic pension/compassionate allowance 20% aser arishi küm 85 nungi 90 tsüngda nem 30% agütsütsü.

Maneni, arishi küm 90 nungi 95 tsüngda alir nem basic pension/compassionate allowance 40% aser 95 nungi 100 tsüngdapur nem 50% agütsütsü.

Arishi küm 100 aser temapur super seniors nembo basic pension/compassionate allowance 100% agütsütsü ta DoPPW-i metetdaktsüogo.

“Tatishitsü agi August 20, 1942 nü asoba pensioner kati August 1, 2022 nungi basic pension indang 20% additional pension ama angutsü akok. August 1, 1942 nü asoba pensioner katia kasaji angutsü” ta DoPPW-i ashi.

Pensioner kati lateta aliba arishi ajungba ita mezüng anogo nungi additional pension mesüra compassionate allowance inyakyim tenzüktsü ta parnokisa ashi.

DoPPW-isa pension disbursement nung shilem agiba departments aser banks ajaki iba osang prokshitsü tetuyuba agütsüogo.