Centre-i Andhra Pradesh, Arunachal & Nagaland nem teyari agütsür

New Delhi, Aami (June) 29 (Agencies): Tzümetsüng timtem ajanga kongshiba state nem Central Assistance talila agütsütsü atema High Level Committee (HLC) senden ka tanü New Delhi nung amen.
Sendenji Union Home Minister, Rajnath Singh menden ser amen aser iba mapang Andhra Pradesh (2017-18 nung tzümetsüng timtem ajuruba), Arunachal Pradesh (2017-18 nung tzümetsüng/anentsüh timtem ajuruba), Nagaland (2017-18 tzümetsüng/anentsüh timtem ajuruba) aser Andhra Pradesh (2017-18 nung tzünglu marui okrongba) atema teyari agütsütsü jembi.
HLC-i National Disaster Response Fund (NDRF) nungi Andhra Pradesh nem sen crore 179.91, Arunachal Pradesh nem sen crore 144.26 aser Nagaland nem sen crore 65.69 agütsütsü mulunga agizük.
Senden nung Union Minister for Agriculture, Radha Mohan Singh, Union Finance Minister, Piyush Goyal, Union Home Secretary, Rajiv Gauba aser Ministries of Home Affairs, Finance o Agriculture aser NITI Aayog nungi tongti ketdangsertem aden.