Centre-i ‘architecture’ reju ka lapokdaktsüner: CM

New Delhi, December 08 (Agencies): Nagaland Chief Minister T.R. Zeliang-i Mongulbarnü union HRD Minister Smriti Irani ajurua centre teyari ajanga Nagaland nung ‘planning & architecture’ reju ka lapoktsü temepishiba agütsüogo.
“Iba ya takhangba ka ama masü saka tebilemba lemsatepa jembiba o lir, ajisüaka Nagaland nung kaketreju tsütsü onük aika jembiogo. T.R Zeliang-i North East tesem rongnung Nagaland nung mezüngsüa ‘planning & architecture’ reju ka lapokdaktsünüa ashi,” ta Chief minister advisor Lalthara-i osangbener dang ashi.
Nagaland nung university ajak agi ka dang lir, anungji state nung kaket shisatsü agütsüba tsütsü renloktsü asoshi centre den lokteper university kar lapoktsü indang Zeliang-i Irani den sensak asemdang jembisem, ta Lalthara-isa ashi.
Iba reju tesem koba nung lapoktsüar ano telemtetba magi ajisüaka nüngdakba aliji state sorkari agütsütettsü ta Zeliang-isa Irani dang shiogo.
Irani-i, iba tebilemba official akümtsü asoshi Nagaland tonger külen iba dak sentakba sentong ka yokang, ta TR Zeliang dang ashi.