Centre-i DA 6% ajungkettsür

New Delhi, March 23 (Agencies): Holi benjung amungtsü anogo ka jakdang, Centre-i dearness allowance (DA) shilem 6 ajungketsüogo, iba ajanga central government employee aser pensioner crore ka den tema ajangzüktsü.
DA ajungketba ajanga küm shia sorkari sen crore 14,724.74 talila endoktsü aser iba ya January 1, 2016 nungi mapa küma tenzüktsü, ta Bodbarnü telecom minister Ravi Shankar Prasad-i osangbenertem dang metetdaktsü.
Tanü Union Cabinet senden ka amendang iba telemtetba agi. 2016-17 mapang central government mapa inyakertem dak sen crore 6,795.5 aser pensioner tem dak sen crore 7,929.24 talila endoktsü, ta ta Prasad-isa ashi.
Central government employees lakh 50 aser pensioners lakh 58 shi nem DA 119 per cent agüja aliba nungi 125 per cent ajungkettsür asütsü.
Yaküm April ita sorkari DA shilem 6 ajungkettsü aser ibaji January 1, 2015 nung mapa küma tenzük.