Centre-i Darjeeling nungi Paramilitary Force agienür

New Delhi, October 25 (Agencies): West Bengal kübok Darjeeling nungi central security forces agientsü atema Bodbarnü Centre-i Supreme Court nung ken o ka benokogo.
Gorkhaland state takhangba agüja ozüng alema mapa inyakba agi Centre-i sepaitem mapa lemzükja liasü.
Centre-i central security forces company 15 nungi 10 agientsü atema telemtetba agi saka Calcutta High Court-i ibaji magizük liasü. Ajisüaka, tanü Centre-i Supreme Court nung Calcutta High Court telemtetba anema ken o ji benok.
Government indang law officer advocate, S Wasim Ahmed Qadri-i ken o ji tekaratiba nung angadangtsüla ta ashiba nung ajemdaker, Centre-i tanü benokba ken o ji Hokolbarnü angadangtsü ta Justice J Chelameswar-i aniba bench-i metetdaktsü.
Centre sorkari security forces ji Jammu & Kashmir nung arrtsütem aser Myanmar den arrtsüa aliba tesemtem nung mapa lemzüktsütsü nüngdaker, ta Qadri-i okadak temepishiba benokba nung shia lir.
West Bengal sorkari mepishiba nung ajemdaker Calcutta High Court-i Centre indang telemtetbaji magizük.