Centre-i Dearness Allowance (DA) tutsür

New Delhi, March 13 (Agencies): Union Cabinet-i Hokolbarnü sorkar mapa inyaker lakh 48 aser pensioner lakh 65 indang Dearness Allowance (DA) tutsütsü mulunga agizükogo, ta I&B Minister Prakash Javadekar-i ashi.
Centre-i Dearness Allowance 4% atutsü mulunga agizük aser iba ajanga 21% tutsütsü. Iba mapa nung sorkari Rs 14,595 crore talila endoktsü, ta Javadekar-i ashi.
Kechisarena nung jenjang atuba ajanga timtem ajuruba nung yariteptsü atema sorkar mapa inyaker nem Dearness Allowance (DA) ya agütsür.
DA asadangtsü atema sorkari All India Consumer Price Index amshir aser DA ya küm nung anaben meyipa reprangshir.