Centre-i delimitation commission shimogo

New Delhi, March 6 (Agencies): Assam, Arunachal Pradesh, Manipur, Nagaland aser Jammu & Kashmir nung Assembly aser Parliamentary constituency tem delimitation asütsü atema Centre-i Hokolbarnü delimitation commission shimogo.
Iba commission nung chairperson inyaktsü atema Justice (retired) Ranjana Prakash Desai shimogo, ta Ministry of Law and Justice-i metetdaktsü.
Commission nungsa member (ex officio) atema Sushil Chandra aser state tem nungi state election commissioner tem shim.
Justice Desai indang kümsükji küm ka atema asütsü.
Delimitation Act, 2002 nung lateta aliba ama delimitation commission-i Assam, Arunachal Pradesh, Manipur, Nagaland aser Jammu & Kashmir nung constituency tem reprangshimtsü, ta Ministry of Law and Justice-isa ashi.