Allahabad, Oct. 26 (Agencies): Vishnu Hindu Parishad (VHP) lenir, Pravin Togadia-i Centre sorkar dang linük nung anema alibaren atema senotsü tali lemzüktsütsüla, ta ashiba den külemi Bangladesh ama sensaker linük katia anema alibaren atema India dang nungi sen timba intoker, ta ashi.
“Tang linük nung nisung crore 40 shi jungnü-i ita shia sen 1000 dak tema mangur. Parnok atemabo nija hospital aser diagnostic centre nung teyari agitsüji tejembitsü mali,” ta RRS lenirisa ashi.
“Linüki acha ayangba health care Centres peria mali. Sorkari anema alibaren nung sen tali intoktsü nüngdak. Tang anema alibaren atema sen lemzüktsübaji kangasa ajemer. Bangladesh ama sensaker linük katia iba sector nung sen timba intoker,” ta Allahabad nung sentong ka nung Togodia-i ashi.
VHP international working President, Tagodia-i yasüng medical practitioner tem den jembia liasü, iba sentong nung pa indang mapatong ‘India Health Line (IHL)’ indang metetdaktsü. Iba mapatong ajanga sensaker rongnungia sensaktiba nüburtemi medical teyari ngutettsü nükjidong nung inyakaer.
2014-15 küm health nung Centre-i senotsü shilem 10 ajemer lemzüktsüogo.
Tagodia ya Indian Medical Association nunga züngsem ka lir aser pai, “Health atema senotsü timba lemzüktsütsü atema ni Indian Medical Association nema takhangba agütsüdaktsüner,” ta shisem.
You must be logged in to post a comment Login