Centre-i Justice KM Joseph den tangar ana SC nung Justice atema agizükogo

New Delhi, Luroi/August 03 (Agencies): Supreme Court collegium-i Uttarakhand High Court Chief Justice, Justice K M Joseph, Supreme Court nung Justice shimtsü atema pa tenüng benoka liasü aser tatemsa Centre sorkari agizükogo.
Centre-isa Madras High Court Chief Justice, Indira Banerjee aser Orissa High Court Chief Justice, Vineet Saran nata SC nung justice shimtsü agizük.
Taküm Aenjeti/January 10 nü Chief Justice of India, Dipak Misra-i aniba Supreme Court collegium-i SC nung justice atema Justice Joseph tenüng benoka liasü.
Iba sülen Rongchii/April 30 nü Centre sorkari Justice Joseph seniority jenjang asadanger ibaji tanaben reprangshitsü meyipa agutsü.
Executive-ia, high courts aika nung nübo peria mali, iba denji külemi Justice Joseph shimra ibaji Regional representation anema asütsü, ta ashishia liasü.
2016 küm Uttarakhand nung Harish Rawat-i aniba Congress sorkar anentsüba sülen Presidents’ rule benoka alibaji Justice Joseph-i agienja liasü.
Taküm Monupii/May 16 nü Supreme Court collegium-i ano tanaben Justice Joseph tenüng benoka liasü.
SC nung tang Justice asem züngokba sülen Supreme Court nung judge ajak agi parnok 25 asutsü, ajisüaka ano menden trok tazüng alitsü.