Centre-i Manipur hills districts nem sen cr. 150 agutsü

Imphal (Manipur), April 05 (Agencies): Centre sorkari Manipur nung tenemlen aliba tesemtem nung markets yanglutsü atema sen crore 150 lemzüktsüogo, ta Mongolbarnü ketdangsertemi metetdaktsü.
Iba osangji Hombar aonung jangjaja state Chief Minister, N Biren Singh-i, item mapaji kobi melii tenzüktsü, ta ashi.
Manipur nung shishilembaba tesemtem ajak nung tetsürtemi ketdangsüa inyaker.
Imphal nung tetsür market asem-i akumba, Ima market ya kanga nüngtugu market ka lir.
Chief Minister-isa, “Sorkari tenemlen aliba tesemtem nung terenlok atema nendaka inyaker. Tenemlen aliba tesemtem nung terenlok makaibo Manipur tejakleni maotsü, kechiyong iba ya state litsü shilem 80 shi lir,” ta ashi.
Tamalen taoba Chief Minister, O Ibobi Singh-i Ukhrul semdangba mapang nung nüburtemi mokdanga liasü aser tensa majungba ajanga security sepaitemi Chief Minister den minister tem helicopter nungi maludaktsüi liasü, aser iba dak sentakba nung Tangkhul Naga Long Tir, Weapon Zimik-i, “April 11 nü kodang Chief Minister-i Ukhrul semdangdir, nübur ajaki pa pelaa agizüktsü,” ta ashi.