Centre-i Manipur nung NHs yanglutsü atema sen crore 200 agütsütsü

Imphal, February 3 (Agencies) : Manipur nung National Highways ajak yanglutsü atema Centre sorkari sen crore 200 khen nung agütsütsü mulunga agizükogo, ta Thongju MLA, Th Bishwajit-i ashi.
Union Road Transport Ministry-i taoba mapang sen lemzüktsüba ajak meyipa agir sen crore 200 ji agütsütsü, ta Manipur nung BJP MLA-i metetdaktsü.
State sorkari highways nung shilem tilala yanglutsü atema mapang shia sen crore 30-40 meshir saka iba inyakyim ama mesüi khen nung dang agütsütsü, ta Th Bishwajit-isa shisem.
Tawa tu New Delhi nung Union Minister of Surface and Road Transport Nitin Gadkari den senden ka alidang, pai Manipur nung highways aser talisa Imphal-Dimapur highway anepalutsü atema khen nung sen crore 200 agütsütsü nangzük, ta BJP MLA-isa ashi.
Union Minister-isa Imphal East atema tongtipang lenmang Imphal-Yairipok Road ji National-Highway jenjang nung ajungkettsü atema nangzük. Ajisüaka, ibaji atema tang tashi state sorkari Centre dangi temepishiba meyoki lir, ta Th Bishwajit-isa metetdaktsü.