Centre-i NSCN (K) kiralongrar telok ka züngoker

New Delhi, November 16 (Agencies) : Hombarnü Centre-i Unlawful Activities (Prevention) Act, 1967 kübok National Socialist Council of Nagaland (Khaplang) telokji kiralongrar telok ta züngokba osang metetdaktsü.
November 6, 2015 nü agütsüba Gazette notification ka nung ashiba agi, NSCN (K) ya 1988 küm tentet aser Indo-Myanmar arrtsülen kanga bulua mapa inyaker, ta Home Ministry otongdar kati ashi.
March 2001 nung NSCN (K)-i Centre den yimjung alitsü tenangzüktep agi saka taküm March parnoki iba tenangzüktep agien. NSCN (K) teloki tai maketba civilian aser sepaitem tepseta ozüng alema mapa inyaker, ta otongdarisa shisem.