Centre-i NSCN-R aser NSCN-NK den ceasefire atsülanger

Dimapur, April 18 (Agencies): Mongulbarnü India sorkari Nagaland nung telungpur telok ana den Suspension of Operation mapang atsülangtsü telemtetba agi.
Telok anaji National Socialist Council of Nagaland- Reformation (NSCN/R) aser National Socialist Council of Nagaland- Neokpao- Khitovi (NSCN/NK) lir.
India sorkari NSCN/R aser NSCN/NK den Ceasefire tenangzüktep agia lir.
April 28, 2017 nungi tenzüka India sorkari NSCN/R aser NSCN/NK teloktem den küm ka atema Suspension of Operation atsülangtsü telemtetba agi.
Iba tenangzüktep ya India sorkar tenüng nung Ministry of Home Affairs Joint Secretary, Satyendra Garg-i NSCN/R tenüng nung Toshi Longkumer aser Imlongnukshi Chang aser NSCN/NK tenüng nung GPRN/NSCN Supervisor, Jack Jimomi nunger den agia liasü.