Centre-i Rs 1,161.17 crore agütsüba nungi Assam nem Rs 480.87 lemzüktsü

Guwahati, Monupii (May) 15 (Agencies): Union Home Minister Rajnath Singh-i aniba High-Level Committee kati Assam, Himachal Pradesh, Sikkim, Rajasthan aser UT Lakshadweep nem sen crore 1,161.17 central assistance agütsütsü atema mulunga agizükogo.
2017-18 tsüngda Assam nung tzümetsüng timtem ajuru, kasa mapang Himachal Pradesh aser Sikkim nunga anentsüh aser tzümetsüng timtem ajuru, 2017 nung cyclone Ockhi ajanga Lakshadweep nung takoksa bentsür aru aser 2017 nung Rajasthan kharif khuret ajurua liasü.
High-Level Committee jagi Assam nem Rs 480.87 crore, National Disaster Response Force (NDRF)-i Himachal Pradesh nem Rs 84.60 crore agütsütsü, Sikkim nem Rs 67.40 crore, Lakshadweep nem Rs 2.16 crore aser Rajasthan nem Rs 526.14 crore agütsütsü mulunga agizük.
Iba senden nung Union Minister for Agriculture, Radha Mohan Singh, Union Home Secretary Rajiv Gauba, Union Secretary, Department of Expenditure, Ajay Narayan Jha aser Ministry of Home Affairs, Finance, Agriculture aser NITI Aayog nungi tongti ketdangsertem aden.