New Delhi, January 28 (Agencies): Brihostibarnü Centre sorkari smart city atema yimti 20 sangdongogo.
Smart cities atema yimtitem sangdongba mapang Urban development Union minister, Venkaiah Naidu-i, “Smart cities atema shima aliba yimtitem aser jilatem nung küm pongu atema sen crore 50,802 benoka lir,” ta ashi.
“Smart cities atema yimti 20 shima aliba rongnungi yimtiba (capital) pongu densema lir. Shima aliba yimti 20 nungi yimti 9 atema India nunger company tem dang shima lir,” ta Naidu-isa ashi.
Smart cities atema state sorkar balalai Urban development ministry nem yimti 97 tenüng agüja liasü.
Taruba nung maneni sorkari smart cities atema yimti 40 sangdongtsü sentong lir.
Smart cities atema tanü sangdongba yimti 20 ji- Bhubaneswar, Pune, Jaipur, Surat, Kochi, Ahmedabad, Jabalpur, Vishakapatnam, Sholapur, Davangere, Indore, New Delhi Municipal Council (NDMC), Coimbatore, Kakinada, Belagavi, Udaipur, Guwahati, Chennai, Ludhiana aser Bhopal yimtitem lir.
You must be logged in to post a comment Login