Centre-i UP sorkar dang loktii nisung tepsetba osang meshir

New Delhi, October 01 (Agencies): Yakonung UP, Dadri yimtsüng nung nisung kati nashi shi achi, ta tai tonglokja loktii tepsetba sülen iba dak sentakba nung tanü Centre sorkari Uttar Pradesh sorkar dang iba tatalokba osang agüjang ta tuyuba den külemi tarutsü nungbo item ama mataloktsü asoshi inyakang, ta metetdaktsüogo.

Home Ministry-i state sorkar dang, arishi küm 50 tambur ka loktii tepsetba osangji tekaraba nung yoktsüla aser aibelener nem tapet temerenshi agüjang, ta metetdaktsüogo.

Hombar aonung Uttar Pradesh, Dadri yimtsüng nung yimtaklir nisung 200 dak temai arishi küm 22 Mohammad Ikhlaq aser tebu na kidang nungi anizükba sülen lungru aser süng amshia kanga mejungi azük.